ਯੂ-ਟਿਊਬਰ ਅਰਮਾਨ ਮਲਿਕ ਤੇ ਦੋਵੇਂ ਪਤਨੀਆਂ ਵਿਰੁਧ FIR

ਅਰਮਾਨ ਉਤੇ ਹਨੂੰਮਾਨ ਜੀ ਦਾ ਭੇਸ ਬਣਾ ਕੇ ਡਾਂਸ ਕਰਨ ਦੇ ਇਲਜ਼ਾਮ
(ਧਰਮਵੀਰ ਸਿੰਘ)
ਸੰਗਰੂਰ, 27 ਜੁਲਾਈ : ਹਰਿਆਣਾ ਦੇ ਮਸ਼ਹੂਰ ਯੂ-ਟਿਊਬਰ ਅਰਮਾਨ ਮਲਿਕ ਅਤੇ ਉਸ ਦੀਆਂ ਦੋਵੇਂ ਪਤਨੀਆਂ ਪਾਇਲ ਮਲਿਕ ਤੇ ਕ੍ਰਿਤਿਕਾ ਮਲਿਕ ਇਕ ਵਾਰ ਫਿਰ ਵਿਵਾਦਾਂ ‘ਚ ਘਿਰ ਗਏ ਹਨ। ਸੰਗਰੂਰ ਪੁਲਿਸ ਨੇ ਕਾਰਵਾਈ ਕਰਦਿਆਂ ਮਲਿਕ ਪਰਿਵਾਰ ਵਿਰੁਧ ਕੇਸ ਦਰਜ ਕਰ ਲਿਆ ਹੈ। ਉਨ੍ਹਾਂ ‘ਤੇ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਗੰਭੀਰ ਇਲਜ਼ਾਮ ਲੱਗੇ ਹਨ। ਯੂ-ਟਿਊਬਰ ਅਰਮਾਨ ਮਲਿਕ ਨੇ ਹਾਲ ਹੀ ‘ਚ ਇਕ ਵੀਡੀਓ ‘ਚ ਹਨੂੰਮਾਨ ਜੀ ਦੀ ਤਰ੍ਹਾਂ ਭੇਸ ਧਾਰ ਕੇ ਡਾਂਸ ਕੀਤਾ। ਜਿਸ ਕਾਰਨ ਬਜਰੰਗ ਦਲ ਹਿੰਦੂ ਵਲੋਂ ਸਖ਼ਤ ਐਤਰਾਜ਼ ਜਤਾਇਆ ਗਿਆ। ਬਜਰੰਗ ਦਲ ਹਿੰਦੂ ਦੇ ਰਾਸ਼ਟਰੀ ਅਧਿਅਕਸ਼ ਭਾਵਇਆ ਭਾਰਦਵਾਜ ਨੇ ਪੂਰੇ ਪਰਿਵਾਰ ‘ਤੇ ਕੇਸ ਦਰਜ ਕਰਵਾਇਆ ਹੈ। ਉਨ੍ਹਾਂ ਕਿਹਾ ਕਿ ਅਰਮਾਨ ਮਲਿਕ ਨੇ ਹਨੂਮਾਨ ਜੀ ਦਾ ਭੇਸ ਧਾਰ ਕੇ ਡਾਂਸ ਕੀਤਾ ਹੈ। ਪਾਇਲ ਮਲਿਕ ਨੇ ਕਾਲੀ ਮਾਤਾ ਦਾ ਅਤੇ ਕ੍ਰਿਤਿਕਾ ਮਲਿਕ ਦੀ ਪਿੱਛੋਂ ਆਵਾਜ਼ ਆ ਰਹੀ ਹੈ ,ਜੋ ਕਿ ਮਜ਼ਾਕੀਆ ਹਾਸੇ ਕਰ ਰਹੀ ਹੈ। ਬਜਰੰਗ ਦਲ ਹਿੰਦੂ ਦੇ ਰਾਸ਼ਟਰੀ ਅਧਿਅਕਸ਼ ਭਾਵਇਆ ਭਾਰਦਵਾਜ ਨੇ ਇਲਜ਼ਾਮ ਲਗਾਉਂਦੇ ਕਿਹਾ ਕਿ ਇਸ ਪੂਰੇ ਪਰਿਵਾਰ ਨੇ ਹਿੰਦੂ ਧਰਮ ਦਾ ਮਜਾਕ ਬਣਾਇਆ ਹੈ। ਇਹਨਾਂ ਸਾਰਿਆਂ ‘ਤੇ ਕਾਰਵਾਈ ਹੋਵੇਗੀ। ਬਜਰੰਗ ਦਲ ਹਿੰਦੂ ਦੇ ਰਾਸ਼ਟਰੀ ਪ੍ਰਧਾਨ ਭਵਿਆ ਭਾਰਦਵਾਜ ਨੇ ਯੂਟਿਊਬਰ ਅਰਮਾਨ ਮਲਿਕ, ਉਸਦੀ ਪਤਨੀ ਪਾਇਲ ਮਲਿਕ ਅਤੇ ਪਤਨੀ ਕ੍ਰਿਤਿਕਾ ਮਲਿਕ ਵਿਰੁੱਧ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਣ ਦੇ ਦੋਸ਼ ਹੇਠ ਧਾਰਾ 295-ਏ ਤਹਿਤ ਕੇਸ ਦਾਇਰ ਕੀਤਾ ਹੈ। ਪਿਛਲੇ ਦਿਨੀਂ ਅਰਮਾਨ ਮਲਿਕ ਦੀ ਪਤਨੀ ਨੇ ਮਾਂ ਕਾਲੀ ਦੇ ਰੂਪ ਵਿਚ ਇਕ ਰੀਲ ਬਣਾਈ ਸੀ, ਜਿਸ ਵਿਚ ਅਰਮਾਨ ਮਲਿਕ ,ਹਨੂੰਮਾਨ ਜੀ ਦੇ ਰੂਪ ਵਿਚ ਨੱਚਿਆ ਸੀ। ਉਸ ਦੀ ਦੂਜੀ ਪਤਨੀ ਕ੍ਰਿਤਿਕਾ ਮਲਿਕ ਵੀ ਇਸ ਆਰੋਪ ਵਿਚ ਸ਼ਾਮਲ ਹੈ। ਬਜਰੰਗ ਦਲ ਹਿੰਦੂ ਨੇ ਅਰਮਾਨ ਮਲਿਕ ਅਤੇ ਉਸ ਦੀਆਂ ਦੋਵੇਂ ਪਤਨੀਆਂ ਵਿਰੁਧ ਸੰਗਰੂਰ ਅਦਾਲਤ ਵਿਚ ਕਾਨੂੰਨੀ ਸਜ਼ਾ ਦਿਵਾਉਣ ਲਈ ਕੇਸ ਦਾਇਰ ਕੀਤਾ ਸੀ। ਜ਼ਿਕਰਯੋਗ ਹੈ ਕਿ ਪਾਇਲ ਮਲਿਕ ਨੇ ਪਿਛਲੇ ਦਿਨੀ ਪਟਿਆਲਾ ਦੇ ਕਾਲੀ ਮਾਤਾ ਮੰਦਿਰ ਵਿਖੇ ਆ ਕੇ ਮੁਆਫ਼ੀ ਮੰਗ ਲਈ ਸੀ ਪਰ ਹੁਣ ਪੂਰੇ ਪਰਿਵਾਰ ਦੇ ਉਪਰ ਸੰਗਰੂਰ ਵਿਚ ਕੇਸ ਦਰਜ ਕਰਵਾਇਆ ਗਿਆ ਹੈ। ਇਸ ਤੋਂ ਪਹਿਲਾਂ ਪਟਿਆਲਾ ਕੋਰਟ ‘ਚ ਅਰਮਾਨ ਮਲਿਕ ਅਤੇ ਦੋਹਾਂ ਪਤਨੀਆਂ ਵਿਰੁਧ ਪਟੀਸ਼ਨ ਦਰਜ ਹੋ ਚੁੱਕੀ ਹੈ। ਉਨ੍ਹਾਂ ਉਤੇ ਕਾਲੀ ਮਾਤਾ ਦੇ ਰੂਪ ਦੀ ਨਕਲ ਕਰਕੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਪੋਸਟ ਕਰਨ ਦੇ ਇਲਜ਼ਾਮ ਹਨ। ਇਹ ਪਟੀਸ਼ਨ ਪਟਿਆਲਾ ਦੇ ਵਕੀਲ ਦਵਿੰਦਰ ਰਾਜਪੂਤ ਵਲੋਂ ਪਾਈ ਗਈ ਸੀ। ਕੋਰਟ ਨੇ ਇਸ ਮਾਮਲੇ ਵਿਚ ਪੁਲਿਸ ਤੋਂ ਡਿਟੇਲ ਰਿਪੋਰਟ ਤਲਬ ਕੀਤੀ ਹੈ। ਹਾਲਾਂਕਿ ਪਾਇਲ ਮਲਿਕ ਨੇ ਇਸ ਵਿਵਾਦ ‘ਤੇ ਜਨਤਕ ਤੌਰ ‘ਤੇ ਮੁਆਫ਼ੀ ਵੀ ਮੰਗੀ ਸੀ ਪਰ ਵਿਵਾਦਾਂ ਦਾ ਸਿਲਸਿਲਾ ਨਹੀਂ ਰੁਕਿਆ।