”ਰਾਤ ਦੇ ਹਨੇਰੇ ’ਚ ਹਾਈਵੇ ’ਤੇ ਮਚਿਆ ਕਹਿਰ”… ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ !

ਮੁੰਬਈ, 19 ਅਗਸਤ 2025 ( ਨਿਊਜ਼ ਟਾਊਨ ਨੈੱਟਵਰਕ ) :

ਮਹਾਰਾਸ਼ਟਰ ਦੇ ਰਤਨਾਗਿਰੀ ਵਿੱਚ ਵੱਡਾ ਸੜਕ ਹਾਦਸਾ ਦੇਖਣ ਨੂੰ ਮਿਲਿਆ ਹੈ। ਇੱਕ ਤੇਜ਼ ਰਫ਼ਤਾਰ SUV ਨੇ ਆਟੋ ਰਿਕਸ਼ਾ ਤੇ ਟਰੱਕ ਨੂੰ ਟੱਕਰ ਮਾਰ ਦਿੱਤੀ। ਇਸ ਹਾਦਸੇ ਵਿੱਚ 5 ਲੋਕਾਂ ਦੀ ਮੌਤ ਹੋ ਗਈ, ਜਿਨ੍ਹਾਂ ਵਿੱਚੋਂ 4 ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ।

ਰਤਨਾਗਿਰੀ ਪੁਲਿਸ ਦੇ ਅਨੁਸਾਰ ਇਹ ਹਾਦਸਾ ਸੋਮਵਾਰ ਰਾਤ 10:30 ਵਜੇ ਕਰਾੜ-ਚਿਪਲੂਨ ਸੜਕ ‘ਤੇ ਪਿੰਪਰੀ ਖੁਰਦ ਪਿੰਡ ਵਿੱਚ ਵਾਪਰਿਆ। ਇਹ ਘਟਨਾ ਸਥਾਨ ਮਹਾਰਾਸ਼ਟਰ ਦੀ ਰਾਜਧਾਨੀ ਮੁੰਬਈ ਤੋਂ ਸਿਰਫ਼ 300 ਕਿਲੋਮੀਟਰ ਦੂਰ ਹੈ।

ਹਾਦਸਾ ਕਿਵੇਂ ਹੋਇਆ?

ਹਾਦਸੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪੁਲਿਸ ਨੇ ਦੱਸਿਆ ਕਿ ਆਟੋ ਰਿਕਸ਼ਾ ਵਿੱਚ ਇੱਕ ਬੱਚੇ ਸਮੇਤ 4 ਲੋਕ ਸਵਾਰ ਸਨ। ਇਸ ਦੌਰਾਨ ਤੇਜ਼ ਰਫ਼ਤਾਰ SUV ਨੇ ਆਟੋ ਨੂੰ ਟੱਕਰ ਮਾਰ ਦਿੱਤੀ ਤੇ ਆਟੋ SUV ਨਾਲ ਕਾਫ਼ੀ ਦੂਰ ਤੱਕ ਘਸੀਟੀ ਗਈ।

ਇਸ ਤੋਂ ਬਾਅਦ SUV ਸਾਹਮਣੇ ਤੋਂ ਆ ਰਹੇ ਇੱਕ ਟਰੱਕ ਨਾਲ ਟਕਰਾ ਗਈ। ਇਸ ਹਾਦਸੇ ਵਿੱਚ 5 ਲੋਕਾਂ ਦੀ ਮੌਤ ਹੋ ਗਈ। SUV ਡਰਾਈਵਰ ਦੇ ਨਾਲ-ਨਾਲ ਆਟੋ ਵਿੱਚ ਬੈਠੇ 4 ਲੋਕਾਂ ਦੀ ਵੀ ਮੌਕੇ ‘ਤੇ ਹੀ ਮੌਤ ਹੋ ਗਈ।

5 ਦੀ ਮੌਤ ਕਾਰਨ ਘਬਰਾਹਟ

ਮ੍ਰਿਤਕਾਂ ਦੀ ਪਛਾਣ 65 ਸਾਲਾ ਇਬਰਾਹਿਮ ਇਸਮਾਈਲ ਲੋਨ 50 ਸਾਲਾ ਨਿਆਜ਼ ਮੁਹੰਮਦ ਹੁਸੈਨ ਸਈਦ, 40 ਸਾਲਾ ਸ਼ਬਾਨਾ ਨਿਆਜ਼ ਸਈਦ ਅਤੇ 4 ਸਾਲਾ ਹੈਦਰ ਨਿਆਜ਼ ਸਈਦ ਵਜੋਂ ਹੋਈ ਹੈ। ਚਾਰੋਂ ਮ੍ਰਿਤਕ ਇੱਕ ਆਟੋ ਰਿਕਸ਼ਾ ਵਿੱਚ ਯਾਤਰਾ ਕਰ ਰਹੇ ਸਨ ਅਤੇ ਪੁਣੇ ਦੇ ਪਾਰਵਤੀ ਖੇਤਰ ਦੇ ਵਸਨੀਕ ਸਨ।

ਉਸੇ ਸਮੇਂ 28 ਸਾਲਾ ਐਸਯੂਵੀ ਡਰਾਈਵਰ ਆਸਿਫ ਹਕੀਮੂਦੀਨ ਸੈਫੀ ਉੱਤਰਾਖੰਡ ਤੋਂ ਮਹਾਰਾਸ਼ਟਰ ਆਇਆ ਸੀ। ਹਾਲਾਂਕਿ ਰਸਤੇ ਵਿੱਚ ਉਸ ਦਾ ਹਾਦਸਾ ਹੋ ਗਿਆ।

ਹਾਲੇ ਤੱਕ ਹਾਦਸੇ ਦਾ ਕਾਰਨ ਪਤਾ ਨਹੀਂ ਲੱਗ ਸਕਿਆ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।