ਕੌਣ ਹੈ ਕਪੂਰ ਖਾਨਦਾਨ ਦਾ ਹੋਣ ਵਾਲਾ ਜਵਾਈ? ਅਰਜੁਨ ਕਪੂਰ ਦੀ ਭੈਣ ਦੀ ਹੋਈ ਕੁੜਮਾਈ; ਸਾਹਮਣੇ ਆਈਆਂ ਖ਼ੂਬਸੂਰਤ ਤਸਵੀਰਾਂ
ਨਵੀਂ ਦਿੱਲੀ, 4 ਜੁਲਾਈ 2025 ( ਨਿਊਜ਼ ਟਾਊਨ ਨੈੱਟਵਰਕ ) :
ਬਾਲੀਵੁੱਡ ਅਦਾਕਾਰ ਅਰਜੁਨ ਕਪੂਰ ਦੀ ਭੈਣ ਅਤੇ ਬੋਨੀ ਕਪੂਰ ਦੀ ਧੀ ਅੰਸ਼ੁਲਾ ਕਪੂਰ ਇਨ੍ਹੀਂ ਦਿਨੀਂ 2 ਖਾਸ ਕਾਰਨਾਂ ਕਰਕੇ ਸੁਰਖੀਆਂ ਵਿੱਚ ਹੈ। ਇੱਕ ਪਾਸੇ ਉਸ ਨੇ ਕਰਨ ਜੌਹਰ ਦੇ ਰਿਐਲਿਟੀ ਸ਼ੋਅ ‘ਦਿ ਟ੍ਰਾਈਟਰਜ਼’ ਵਿੱਚ ਆਪਣੀ ਮਾਸੀ ਮਹੀਪ ਕਪੂਰ ਨਾਲ ਹਿੱਸਾ ਲਿਆ, ਦੂਜੇ ਪਾਸੇ, ਉਸ ਨੇ ਆਪਣੇ ਪਿਤਾ ਬੋਨੀ ਕਪੂਰ ਅਤੇ ਮਰਹੂਮ ਸੁਪਰਸਟਾਰ ਸ਼੍ਰੀਦੇਵੀ ਦੇ ਵਿਆਹ ਨਾਲ ਜੁੜੇ ਆਪਣੇ ਬਚਪਨ ਦੇ ਤਜ਼ਰਬਿਆਂ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਪਰ ਇਸ ਦੌਰਾਨ, ਉਸ ਨੇ ਆਪਣੀ ਮੰਗਣੀ ਦੀ ਖੁਸ਼ਖਬਰੀ ਵੀ ਦਿੱਤੀ ਹੈ।
ਅੰਸ਼ੁਲਾ ਨੇ ਇਹ ਜਾਣਕਾਰੀ ਇੱਕ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਸਾਂਝੀ ਕੀਤੀ ਹੈ। ਉਸ ਨੇ ਬਹੁਤ ਹੀ ਖਾਸ ਤਰੀਕੇ ਨਾਲ ਦੱਸਿਆ ਕਿ ਉਸ ਦੀ ਹੁਣ ਮੰਗਣੀ ਹੋ ਗਈ ਹੈ। ਲੰਬੇ ਸਮੇਂ ਤੋਂ ਬੁਆਏਫ੍ਰੈਂਡ ਰੋਹਨ ਠੱਕਰ ਨੇ ਅੰਸ਼ੁਲਾ ਕਪੂਰ ਨੂੰ ਅਮਰੀਕਾ ਦੇ ਨਿਊਯਾਰਕ ਸਿਟੀ ਦੇ ਸੈਂਟਰਲ ਪਾਰਕ ਵਿੱਚ ਪ੍ਰਪੋਜ਼ ਕੀਤਾ। ਇਹ ਇੱਕ ਫਿਲਮ ਦੀ ਕਹਾਣੀ ਵਾਂਗ ਸੈੱਟ ਕੀਤਾ ਗਿਆ ਸੀ। ਹੁਣ ਇਹ ਜੋੜਾ ਅਧਿਕਾਰਤ ਤੌਰ ‘ਤੇ ਮੰਗਣੀ ਕਰ ਚੁੱਕਾ ਹੈ। ਅੰਸ਼ੁਲਾ ਨੇ ਆਪਣੀ ਮੰਗਣੀ ਦਾ ਐਲਾਨ ਕਰਦੇ ਹੋਏ ਇੰਸਟਾਗ੍ਰਾਮ ‘ਤੇ ਆਪਣੀਆਂ ਸੁੰਦਰ ਤਸਵੀਰਾਂ ਪੋਸਟ ਕੀਤੀਆਂ। ਇਸ ਦੇ ਨਾਲ ਹੀ, ਉਸ ਨੇ ਇੱਕ ਲੰਮਾ ਕੈਪਸ਼ਨ ਲਿਖਿਆ, ”ਜਿਸ ਵਿੱਚ ਉਸ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਦੀ ਰੋਮਾਂਟਿਕ ਕਹਾਣੀ ਕਿਵੇਂ ਸ਼ੁਰੂ ਹੋਈ। ਹੁਣ ਇਹ ਪੋਸਟ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਇਸ ਬਾਰੇ ਚਰਚਾ ਕਰ ਰਹੇ ਹਨ।”
ਕੈਪਸ਼ਨ ਵਿੱਚ ਅੰਸ਼ੁਲਾ ਨੇ ਲਿਖਿਆ, ”ਅਸੀਂ ਇੱਕ ਐਪ ‘ਤੇ ਮਿਲੇ ਸੀ। ਸਾਡੀ ਗੱਲਬਾਤ ਮੰਗਲਵਾਰ ਨੂੰ 1:15 ਵਜੇ ਸ਼ੁਰੂ ਹੋਈ ਅਤੇ ਸਵੇਰੇ 6 ਵਜੇ ਤੱਕ ਜਾਰੀ ਰਹੀ ਅਤੇ ਫਿਰ ਵੀ ਇਹ ਕਿਸੇ ਖਾਸ ਚੀਜ਼ ਦੀ ਸ਼ੁਰੂਆਤ ਵਾਂਗ ਮਹਿਸੂਸ ਹੋਇਆ। 3 ਸਾਲ ਬਾਅਦ ਮੇਰੇ ਮਨਪਸੰਦ ਸ਼ਹਿਰ ਸੈਂਟਰਲ ਪਾਰਕ ਵਿੱਚ ਮਹਿਲ ਦੇ ਸਾਹਮਣੇ, ਰੋਹਨ ਨੇ ਪ੍ਰਪੋਜ਼ ਕੀਤਾ! ਭਾਰਤੀ ਸਮੇਂ ਅਨੁਸਾਰ ਬਿਲਕੁਲ 1:15 ਵਜੇ! ਦੁਨੀਆ ਉਸ ਪਲ ਲਈ ਰੁਕ ਗਈ – ਇੱਕ ਜਾਦੂਈ ਅਹਿਸਾਸ।”
ਉਸ ਨੇ ਉਸੇ ਕੈਪਸ਼ਨ ਵਿੱਚ ਅੱਗੇ ਲਿਖਿਆ, ”ਇੱਕ ਪਿਆਰ ਜੋ ਦਿਲਾਸਾ ਦਿੰਦਾ ਹੈ, ਘਰ ਵਰਗਾ ਮਹਿਸੂਸ ਹੁੰਦਾ ਹੈ। ਮੈਂ ਪਰੀ ਕਹਾਣੀਆਂ ਵਿੱਚ ਵਿਸ਼ਵਾਸ ਨਹੀਂ ਕਰਦੀ ਸੀ ਪਰ ਰੋਹਨ ਨੇ ਉਸ ਦਿਨ ਮੇਰੇ ਲਈ ਜੋ ਕੀਤਾ ਉਹ ਉਸ ਤੋਂ ਵੀ ਵਧੀਆ ਸੀ। ਸੋਚ-ਸਮਝ ਕੇ, ਸੱਚਾ ਅਤੇ ਸਾਡਾ। ਮੈਂ ‘ਹਾਂ’ ਕਿਹਾ – ਹੰਝੂਆਂ, ਹਾਸੇ ਅਤੇ ਖੁਸ਼ੀ ਨਾਲ ਭਰੇ ਉਸ ਪਲ ਵਿੱਚ ਕਿਉਂਕਿ 2022 ਤੋਂ ਇਹ ਹਮੇਸ਼ਾ ਤੁਸੀਂ ਰਹੇ ਹੋ। ਮੈਂ ਆਪਣੇ ਸਭ ਤੋਂ ਚੰਗੇ ਦੋਸਤ ਨਾਲ ਮੰਗਣੀ ਕੀਤੀ ਹੈ! ਮੇਰੀ ਸੁਰੱਖਿਅਤ ਜਗ੍ਹਾ, ਮੇਰਾ ਮਨਪਸੰਦ ਵਿਅਕਤੀ, ਮੇਰੀ ਸਭ ਤੋਂ ਪਿਆਰੀ ਚੀਜ਼।’
ਅੰਸ਼ੁਲਾ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਉਸ ਦੀ ਪਹਿਲੀ ਪੋਸਟ ਪ੍ਰਪੋਜ਼ਲ ਮੀਲ ਨਿਊਯਾਰਕ ਦੇ ਮਸ਼ਹੂਰ ਸ਼ੇਕ ਸ਼ੈਕ ਬਰਗਰ ਨਾਲ ਸੀ, ਕਿਉਂਕਿ ਉਨ੍ਹਾਂ ਦੀ ਪਹਿਲੀ ਗੱਲਬਾਤ ਵੀ ਬਰਗਰ ਪਿਆਰ ਨਾਲ ਸ਼ੁਰੂ ਹੋਈ ਸੀ। ਇਸ ਰੋਮਾਂਟਿਕ ਮੰਗਣੀ ਦੀ ਖ਼ਬਰ ਮਿਲਦੇ ਹੀ ਪਰਿਵਾਰ ਅਤੇ ਦੋਸਤਾਂ ਨੇ ਸੋਸ਼ਲ ਮੀਡੀਆ ‘ਤੇ ਪਿਆਰ ਦੀ ਵਰਖਾ ਕੀਤੀ। ਅੰਸ਼ੁਲਾ ਦੀ ਸੌਤੇਲੀ ਭੈਣ ਜਾਨ੍ਹਵੀ ਕਪੂਰ ਨੇ ਲਿਖਿਆ, ‘ਮੇਰੀ ਭੈਣ ਦੀ ਮੰਗਣੀ ਹੋ ਗਈ ਹੈ। ਸਭ ਤੋਂ ਵਧੀਆ ਵਿਅਕਤੀ ਨੂੰ ਸਭ ਤੋਂ ਵਧੀਆ ਕੁੜੀ ਮਿਲੀ।’ ਇਸ ਦੇ ਨਾਲ ਹੀ ਖੁਸ਼ੀ ਕਪੂਰ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ ‘ਤੇ ਲਿਖਿਆ, ‘ਮੈਂ ਤੁਹਾਨੂੰ ਦੋਵਾਂ ਨੂੰ ਬਹੁਤ ਪਿਆਰ ਕਰਦੀ ਹਾਂ, ਮੇਰੀਆਂ ਭੈਣਾਂ ਦਾ ਵਿਆਹ ਹੋ ਰਿਹਾ ਹੈ!!’ ਅਰਜੁਨ ਕਪੂਰ ਨੇ ਵੀ ਇਹ ਪੋਸਟ ਸਾਂਝੀ ਕੀਤੀ ਅਤੇ ਲਿਖਿਆ, ‘ਮੇਰੀ ਦੁਨੀਆ ਨੇ ਆਪਣਾ ਜੀਵਨ ਸਾਥੀ ਲੱਭ ਲਿਆ ਹੈ। ਤੁਸੀਂ ਦੋਵੇਂ ਹਮੇਸ਼ਾ ਖੁਸ਼ ਰਹੋ। ਮੈਂ ਅੱਜ ਆਪਣੀ ਮਾਂ ਨੂੰ ਥੋੜਾ ਹੋਰ ਯਾਦ ਕਰ ਰਿਹਾ ਹਾਂ। ਤੁਹਾਨੂੰ ਦੋਵਾਂ ਨੂੰ ਬਹੁਤ ਸਾਰਾ ਪਿਆਰ।’
ਰੋਹਨ ਠੱਕਰ ਬਾਰੇ ਗੱਲ ਕਰੀਏ ਤਾਂ ਉਹ ਬਾਲੀਵੁੱਡ ਇੰਡਸਟਰੀ ਦਾ ਹਿੱਸਾ ਹੈ। ਉਹ ਵੱਡੇ ਪਰਦੇ ‘ਤੇ ਨਜ਼ਰ ਨਹੀਂ ਆਉਂਦਾ ਪਰ ਉਹ ਪਰਦੇ ਪਿੱਛੇ ਦੀ ਕਹਾਣੀ ਲਿਖਦਾ ਹੈ। ਉਹ ਇੱਕ ਸਕ੍ਰੀਨ ਲੇਖਕ ਹੈ। ਅੰਸ਼ੁਲਾ ਅਕਸਰ ਉਸ ਦੇ ਨਾਲ ਦਿਖਾਈ ਦਿੰਦੀ ਹੈ।
