Bank of Baroda ‘ਚ ਨਿਕਲੀ ਅਧਿਕਾਰੀਆਂ ਦੀ ਭਰਤੀ, ਮਿਲੇਗੀ 85000 ਤੋਂ ਵੱਧ ਤਨਖ਼ਾਹ, ਜਾਣੋ ਕਿਵੇਂ ਕਰਨਾ ਹੈ ਅਪਲਾਈ
ਪੰਜਾਬ, 25 ਜੁਲਾਈ, 2025 (ਨਿਊਜ਼ ਟਾਊਨ ਨੈਟਵਰਕ) :
ਜੇਕਰ ਤੁਸੀਂ ਕਿਸੇ ਬੈਂਕ (ਸਰਕਾਰੀ ਨੌਕਰੀ) ਵਿੱਚ ਨੌਕਰੀ ਕਰਨ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਤੁਹਾਡੇ ਲਈ ਇੱਕ ਚੰਗਾ ਵਿਕਲਪ ਆ ਗਿਆ ਹੈ। ਬੈਂਕ ਆਫ਼ ਬੜੌਦਾ (BOB) ਨੇ ਵੱਖ-ਵੱਖ ਪ੍ਰਬੰਧਕੀ ਅਹੁਦਿਆਂ ਲਈ ਭਰਤੀ ਜਾਰੀ ਕੀਤੀ ਹੈ। ਦਿਲਚਸਪੀ ਰੱਖਣ ਵਾਲੇ ਅਤੇ ਯੋਗ ਉਮੀਦਵਾਰ ਜਿਨ੍ਹਾਂ ਕੋਲ ਇਨ੍ਹਾਂ ਅਹੁਦਿਆਂ ਨਾਲ ਸਬੰਧਤ ਯੋਗਤਾ ਹੈ, ਉਹ ਬੈਂਕ ਆਫ਼ ਬੜੌਦਾ ਦੀ ਅਧਿਕਾਰਤ ਵੈੱਬਸਾਈਟ bankofbaroda.in ‘ਤੇ ਜਾ ਕੇ ਔਨਲਾਈਨ ਅਰਜ਼ੀ ਦੇ ਸਕਦੇ ਹਨ। ਇਸ ਲਈ ਅਪਲਾਈ ਕਰਨ ਦੀ ਪ੍ਰਕਿਰਿਆ 23 ਜੁਲਾਈ 2025 ਤੋਂ ਸ਼ੁਰੂ ਹੋ ਗਈ ਹੈ।
ਜ਼ਿਕਰਯੋਗ ਹੈ ਕਿ ਬੈਂਕ ਆਫ਼ ਬੜੌਦਾ ਦੀ ਇਸ ਭਰਤੀ ਰਾਹੀਂ ਕੁੱਲ 41 ਅਸਾਮੀਆਂ ਨੂੰ ਬਹਾਲ ਕੀਤਾ ਜਾਵੇਗਾ। ਜੇਕਰ ਤੁਸੀਂ ਵੀ ਇੱਥੇ ਕੰਮ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ 12 ਅਗਸਤ ਨੂੰ ਜਾਂ ਇਸ ਤੋਂ ਪਹਿਲਾਂ ਆਨਲਾਈਨ ਅਪਲਾਈ ਸਕਦੇ ਹੋ। ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀ ਦੇਣ ਤੋਂ ਪਹਿਲਾਂ, ਹੇਠਾਂ ਦਿੱਤੇ ਭਰਤੀ ਦੇ ਜ਼ਰੂਰੀ ਵੇਰਵਿਆਂ ਨੂੰ ਧਿਆਨ ਨਾਲ ਪੜ੍ਹੋ…
ਬੈਂਕ ਆਫ਼ ਬੜੌਦਾ ਵਿੱਚ ਭਰੀਆਂ ਜਾਣ ਵਾਲੀਆਂ ਅਸਾਮੀਆਂ ਦਜੇ ਵੇਰਵੇ
- Manager (Digital Product): 7 ਪੋਸਟਾਂ
- Senior Manager (Digital Product): 6 ਪੋਸਟਾਂ
- Fire Safety Officer: 14 ਪੋਸਟਾਂ
- Manager (Information Security): 4 ਪੋਸਟਾਂ
- Senior Manager (Information Security): 4 ਪੋਸਟਾਂ
- Chief Manager (Information Security): 2 ਪੋਸਟਾਂ
- Manager (Storage Admin & Backup): 2 ਪੋਸਟਾਂ
- Senior Manager (Storage Admin & Backup): 2 ਪੋਸਟਾਂ
ਬੈਂਕ ਆਫ਼ ਬੜੌਦਾ ਵਿੱਚ ਫਾਰਮ ਭਰਨ ਲਈ ਫੀਸ
ਜਨਰਲ/ਓਬੀਸੀ/ਈਡਬਲਯੂਐਸ ਉਮੀਦਵਾਰਾਂ ਲਈ ਅਰਜ਼ੀ ਫੀਸ: 850 ਰੁਪਏ
ਐਸਸੀ/ਐਸਟੀ/ਦਿਵਯਾਂਗ/ਮਹਿਲਾ/ਸਾਬਕਾ ਸੈਨਿਕਾਂ ਲਈ ਫੀਸ: 175 ਰੁਪਏ
ਫ਼ੀਸ ਦਾ ਭੁਗਤਾਨ ਸਿਰਫ਼ ਔਨਲਾਈਨ ਮੋਡ ਰਾਹੀਂ ਹੀ ਸਵੀਕਾਰ ਕੀਤਾ ਜਾਵੇਗਾ।
ਇੰਝ ਹੋਵੇਗੀ ਚੋਣ ਪ੍ਰਕਿਰਿਆ (Bank Of Baroda Recruitment 2025)
ਉਮੀਦਵਾਰਾਂ ਦੀ ਚੋਣ ਔਨਲਾਈਨ ਲਿਖਤੀ ਪ੍ਰੀਖਿਆ, ਮਨੋਵਿਗਿਆਨਕ ਪ੍ਰੀਖਿਆ ਜਾਂ ਹੋਰ ਮੁਲਾਂਕਣ ਵਿਧੀਆਂ ਰਾਹੀਂ ਕੀਤੀ ਜਾਵੇਗੀ। ਸਫਲ ਉਮੀਦਵਾਰਾਂ ਨੂੰ ਗਰੁੱਪ ਡਿਸਕਸ਼ਨ ਅਤੇ/ਜਾਂ ਇੰਟਰਵਿਊ ਲਈ ਬੁਲਾਇਆ ਜਾਵੇਗਾ।
ਬੈਂਕ ਆਫ਼ ਬੜੌਦਾ ਲਈ ਪ੍ਰੀਖਿਆ ਫਾਰਮੈਟ
ਪ੍ਰੀਖਿਆ ਫਾਰਮੈਟ: 150 ਪ੍ਰਸ਼ਨ, ਕੁੱਲ 225 ਅੰਕ
ਸਮਾਂ ਸੀਮਾ: 150 ਮਿੰਟ
ਕਵਾਲੀਫਾਈਂਗ ਕਲਾਜ: ਪ੍ਰੀਖਿਆ ਦੇ ਕੁਝ ਭਾਗ ਸਿਰਫ ਯੋਗਤਾ ਦੇ ਉਦੇਸ਼ਾਂ ਲਈ ਹੋਣਗੇ; ਉਨ੍ਹਾਂ ਦੇ ਅੰਕ ਅੰਤਿਮ ਨਤੀਜੇ ਵਿੱਚ ਸ਼ਾਮਲ ਨਹੀਂ ਕੀਤੇ ਜਾਣਗੇ।
ਘੱਟੋ-ਘੱਟ ਯੋਗਤਾ ਅੰਕ:
ਜਨਰਲ ਅਤੇ EWS ਸ਼੍ਰੇਣੀ ਲਈ: 40%
ਰਾਖਵੀਆਂ ਸ਼੍ਰੇਣੀਆਂ ਲਈ: 35%
