ਨਕਲੀ IPS ਬਣ ਕੇ ਰਾਏ ਸਿੰਘ ਨਾਲ ਮਾਰੀ 6 ਕਰੋੜ ਦੀ ਠੱਗੀ !
ਮਾਨਸਾ, 19 ਅਗਸਤ (ਨਿਊਜ਼ ਟਾਊਨ ਨੈਟਵਰਕ) :
ਮਾਨਸਾ ਪੁਲਿਸ ਨੇ ਵੱਡੇ ਧੋਖਾਧੜੀ ਦੇ ਮਾਮਲੇ ਦਾ ਪਰਦਾਫਾਸ਼ ਕੀਤਾ ਹੈ। ਨਕਲੀ ਆਈਪੀਐਸ ਅਧਿਕਾਰੀ ਬਣੀ ਦੀਪਤੀ ਗਰਗ ਨੇ ਇਕ ਵਿਅਕਤੀ ਨਾਲ 6.30 ਕਰੋੜ ਰੁਪਏ ਦੀ ਠੱਗੀ ਮਾਰੀ। ਇਸ ਗਿਰੋਹ ਨੇ ਦੀਪਤੀ ਗਰਗ ਆਈਪੀਐਸ ਦੇ ਨਾਮ ’ਤੇ ਇਕ ਇੰਸਟਾਗ੍ਰਾਮ ਆਈਡੀ ਬਣਾਈ ਅਤੇ ਰਾਏ ਸਿੰਘ ਨਾਮੀ ਵਿਅਕਤੀ ਨਾਲ ਦੋਸਤੀ ਕੀਤੀ ਗਈ। ਇਸ ਨਕਲੀ ਆਈਪੀਐਸ ਨੇ ਰਾਏ ਸਿੰਘ ਨੂੰ 6.30 ਕਰੋੜ ਰੁਪਏ ਦੀ ਠੱਗੀ ਮਾਰੀ। ਜਦੋਂ ਪੀੜਤ ਨੂੰ ਪਤਾ ਲੱਗਾ ਕਿ ਉਸ ਕੋਲੋਂ ਪੈਸੇ ਠੱਗਣ ਵਾਲੀ ਆਈਪੀਐਸ ਅਧਿਕਾਰੀ ਨਹੀਂ ਸਗੋਂ ਸੋਨੂੰ ਹੈ ਅਤੇ ਉਸ ਨਾਲ ਹੋਰ ਵੀ ਕਈ ਵਿਅਕਤੀ ਸ਼ਾਮਲ ਹੈ। ਉਸ ਤੋਂ ਬਾਅਦ ਰਾਏ ਸਿੰਘ ਨੇ ਮਾਨਸਾ ਪੁਲਿਸ ਕੋਲ ਮੁਲਜ਼ਮਾਂ ਵਿਰੁਧ ਸ਼ਿਕਾਇਤ ਦਰਜ ਕਰਵਾਈ ਅਤੇ ਪੁਲਿਸ ਨੇ ਮੁਲਜ਼ਮਾਂ ਖਿਲਾਫ਼ ਮਾਮਲਾ ਦਰਜ ਕਰਨ ਤੋਂ ਬਾਅਦ ਕਾਰਵਾਈ ਕਰਦੇ ਹੋਏ ਇਸ ਠੱਗੀਆਂ ਮਾਰਨ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਹੈ।
