ਭਾਰਤ-ਅਮਰੀਕਾ ਵਪਾਰ ਸੌਦੇ ਦੀ ਮੀਟਿੰਗ ਟੈਰਿਫ਼ ‘ਚ ਬਦਲਾਅ ਕਾਰਨ ਮੁਲਤਵੀ

ਹੁਣ ਟਰੰਪ ਨੇ ਖ਼ੁਦ ਗਲੋਬਲ ਟੈਰਿਫ਼ ਵਧਾ ਕੇ ਕੀਤਾ 15 ਫ਼ੀਸ ਦੀ

ਵਾਸ਼ਿੰਗਟਨ, 23 ਫਰਵਰੀ (ਨਿਊਜ਼ ਟਾਊਨ ਨੈਟਵਰਕ) : ਭਾਰਤ ਅਤੇ ਅਮਰੀਕਾ ਵਿਚਕਾਰ ਅੰਤਰਿਮ ਵਪਾਰ ਸਮਝੌਤੇ ਸਬੰਧੀ ਮੀਟਿੰਗ ਮੁਲਤਵੀ ਕਰ ਦਿੱਤੀ ਗਈ ਹੈ। ਸਰਕਾਰੀ ਸੂਤਰਾਂ ਅਨੁਸਾਰ ਇਹ ਮੀਟਿੰਗ ਅਸਲ ਵਿੱਚ 23-26 ਫਰਵਰੀ ਨੂੰ ਵਾਸ਼ਿੰਗਟਨ ਵਿੱਚ ਹੋਣੀ ਸੀ। ਸਮਝੌਤੇ ਲਈ ਭਾਰਤ ਨੂੰ 18 ਫ਼ੀਸ ਦੀ ਟੈਰਿਫ਼ ਦੇਣਾ ਸੀ ਪਰ ਸ਼ੁੱਕਰਵਾਰ ਨੂੰ ਅਮਰੀਕੀ ਸੁਪਰੀਮ ਕੋਰਟ ਨੇ ਸਾਰੇ ਗਲੋਬਲ ਟੈਰਿਫ਼ ਰੱਦ ਕਰ ਦਿੱਤੇ। ਇਸ ਤੋਂ ਬਾਅਦ ਟਰੰਪ ਨੇ ਸ਼ੁੱਕਰਵਾਰ ਨੂੰ ਦੁਨੀਆ ਭਰ ਵਿੱਚ ਪਹਿਲਾਂ 10 ਫ਼ੀਸ ਦੀ ਟੈਰਿਫ ਲਗਾਇਆ, ਫਿਰ ਇਸਨੂੰ 24 ਘੰਟਿਆਂ ਦੇ ਅੰਦਰ ਵਧਾ ਕੇ 15 ਫ਼ੀਸ ਦੀ ਕਰ ਦਿੱਤਾ। ਹੁਣ ਟਰੰਪ ਦਾ 15 ਫ਼ੀਸ ਦੀ ਗਲੋਬਲ ਟੈਰਿਫ ਲਾਗੂ ਹੋ ਰਿਹਾ ਹੈ ਜੋ ਕਿ ਸਹਿਮਤ ਹੋਏ 18 ਫ਼ੀਸ ਦੀ ਤੋਂ ਘੱਟ ਹੈ। ਨਤੀਜੇ ਵਜੋਂ ਦੋਵਾਂ ਧਿਰਾਂ ਨੇ ਇਨ੍ਹਾਂ ਬਦਲਾਵਾਂ ਦੀ ਸਮੀਖਿਆ ਕਰਨ ਅਤੇ ਫਿਰ ਇੱਕ ਨਵੀਂ ਮੀਟਿੰਗ ਦੀ ਮਿਤੀ ਨਿਰਧਾਰਤ ਕਰਨ ਦਾ ਫੈਸਲਾ ਕੀਤਾ ਹੈ। ਮੀਟਿੰਗ ਨੂੰ ਮੁਲਤਵੀ ਕਰਨ ਨਾਲ ਵਪਾਰ ਸੌਦੇ ਵਿੱਚ ਦੇਰੀ ਹੋ ਸਕਦੀ ਹੈ। ਟਰੰਪ ਦੇ ਟੈਰਿਫ਼ ਬਦਲਾਅ ਕਾਰਨ ਸਵਾਲ ਉਠ ਰਹੇ ਹਨ ਕਿ ਹੁਣ ਕੀ ਭਾਰਤ ਨੂੰ 18 ਫ਼ੀਸ ਦੀ ਟੈਰਿਫ ਦਾ ਭੁਗਤਾਨ ਕਰਨਾ ਪਵੇਗਾ ਜਾਂ 15 ਫ਼ੀਸ ਦੀ ਟੈਰਿਫ਼ ਦੇਣਾ ਹੋਵੇਗਾ। ਰਿਪੋਰਟਾਂ ਅਨੁਸਾਰ ਵ੍ਹਾਈਟ ਹਾਊਸ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਅਮਰੀਕਾ ਨਾਲ ਵਪਾਰ ਸਮਝੌਤੇ ਵਾਲੇ ਦੇਸ਼ਾਂ, ਜਿਨ੍ਹਾਂ ਵਿੱਚ ਬ੍ਰਿਟੇਨ, ਭਾਰਤ ਅਤੇ ਯੂਰਪੀਅਨ ਯੂਨੀਅਨ ਸ਼ਾਮਲ ਹਨ, ਨੂੰ ਹੁਣ ਧਾਰਾ 122 ਦੇ ਤਹਿਤ 10 ਫ਼ੀਸ ਦੀ ਗਲੋਬਲ ਟੈਰਿਫ਼ ਦਾ ਸਾਹਮਣਾ ਕਰਨਾ ਪਵੇਗਾ ਨਾ ਕਿ ਪਹਿਲਾਂ ਕੀਤੀ ਗਈ ਗੱਲਬਾਤ ਮੁਤਾਬਕ। ਇਸ ਆਧਾਰ ‘ਤੇ ਸ਼ਨਿੱਚਰਵਾਰ ਦੀ ਘੋਸ਼ਣਾ ਤੋਂ ਬਾਅਦ ਟੈਰਿਫ 15 ਫ਼ੀਸ ਦੀ ਰਹੇਗਾ। ਰਿਪੋਰਟ ਸਹੀ ਹੈ ਤਾਂ ਭਾਰਤ ‘ਤੇ ਕੁੱਲ ਟੈਰਿਫ 18 ਤੋਂ ਘਟਾ ਕੇ 15 ਫ਼ੀਸ ਦੀ ਕਰ ਦਿੱਤਾ ਜਾਵੇਗਾ ਜਦੋਂ ਕਿ ਟਰੰਪ ਦਾ ਬਿਆਨ 18% ਟੈਰਿਫ਼ ਦਾ ਸੰਕੇਤ ਦੇ ਰਿਹਾ ਹੈ।