ਲੁਧਿਆਣਾ ਵਿਚ ਘਰੇਲੂ ਕਲੇਸ਼ ਕਾਰਨ ਬਜ਼ੁਰਗ ਨੇ ਲਿਆ ਫਾਹਾ
A fabric low poly suicide rope with slipknot placed on the white concrete wall with white space on left. 3D illustration and rendered by program Blender.
ਆਪਣੀ ਨੂੰਹ ਅਤੇ ਉਸਦੇ ਪਿਤਾ ਤੋਂ ਦੁਖੀ ਹੋ ਕੇ ਕੀਤੀ ਖੁਦਕੁਸ਼ੀ
ਫਾਹਾ ਲਾਣ ਤੋਂ ਪਹਿਲਾਂ ਬਣਾਈ ਵੀਡੀਓ, ਦੱਸੀ ਖੁਦਕੁਸ਼ੀ ਕਰਨ ਦੀ ਪੂਰੀ ਕਹਾਣੀ
ਲੁਧਿਆਣਾ, 24 ਜੁਲਾਈ (ਕਮਲ ਕਪੂਰ) : ਲੁਧਿਆਣਾ ਵਿਚ ਇਕ 62 ਸਾਲਾਂ ਵਿਅਕਤੀ ਵਲੋਂ ਆਪਣੇ ਕਮਰੇ ਵਿਚ ਖੁਦ ਨੂੰ ਬੰਦ ਕਰਕੇ ਖੁਦਕੁਸ਼ੀ ਕਰ ਲਈ। ਘਰ ਦੇ ਕਮਰੇ ਵਿਚ ਬਜ਼ੁਰਗ ਨੇ ਆਪਣੇ ਆਪ ਨੂੰ ਫਾਹਾ ਲਗਾ ਲਿਆ। ਜਦੋਂ ਕਾਫੀ ਦੇਰ ਤਕ ਕਮਰੇ ਦਾ ਦਰਵਾਜ਼ਾ ਨਹੀਂ ਖੋਲਿਆ ਗਿਆ ਤਾਂ ਸ਼ੱਕ ਹੋਣ ਤੇ ਗੁਆਂਢੀਆਂ ਨੇ ਖਿੜਕੀ ਰਾਹੀਂ ਅੰਦਰ ਦੇਖਿਆ ਗਿਆ ਤਾਂ ਫੰਦੇ ਨਾਲ ਵਿਪਨ ਕੁਮਾਰ ਦੀ ਲਾਸ਼ ਲਟਕ ਰਹੀ ਸੀ। ਘਟਨਾ ਸਮੇਂ ਘਰ ਵਿਚ ਕੋਈ ਵੀ ਮੌਜੂਦ ਨਹੀਂ ਸੀ। ਖੁਦਕੁਸ਼ੀ ਕਰਨ ਵਾਲੇ ਦੀ ਪਹਿਚਾਣ ਵਿਪਨ ਕੁਮਾਰ ਵਜੋਂ ਹੋਈ ਹੈ। ਜਾਣਕਾਰੀ ਦਿੰਦਿਆਂ ਵਿਪਨ ਕੁਮਾਰ ਦੇ ਭਰਾ ਨੇ ਦੱਸਿਆ ਕਿ ਵਿਪਨ ਦੇ ਬੇਟੇ ਦੀ ਸ਼ਾਦੀ 4 ਮਹੀਨੇ ਪਹਿਲਾਂ ਹੀ ਹੋਈ ਸੀ, ਪ੍ਰੰਤੂ ਉਸਦੀ ਨੂੰਹ ਕਿਸੀ ਕਾਰਨ ਆਪਣੇ ਸੋਹਰੇ ਘਰ ਤੋਂ ਪੇਕੇ ਚਲੀ ਗਈ, ਜਿਸ ਨੂੰ ਵਾਪਸ ਲਿਆਉਣ ਲਈ ਵਿਪਨ ਕੁਮਾਰ ਆਪਣੇ ਬੇਟੇ ਨਾਲ ਆਪਣੀ ਨੂੰਹ ਦੇ ਪੇਕੇ ਗਿਆ ਜਿੱਥੇ ਉਸਦੀ ਨੂੰਹ ਅਤੇ ਉਸਦੇ ਪਿਤਾ ਵਲੋਂ ਵਿਪਨ ਕੁਮਾਰ ਅਤੇ ਉਸਦੇ ਬੇਟੇ ਨੂੰ ਜ਼ਲੀਲ ਕਰਕੇ ਧਮਕੀਆਂ ਦਿੰਦੇ ਹੋਏ ਵਾਪਸ ਭੇਜ ਦਿਤਾ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਬਾਅਦ ਵਿਪਨ ਵਲੋਂ ਫਾਹਾ ਲੈਣ ਤੋਂ ਪਹਿਲਾਂ ਇਕ ਵੀਡੀਓ ਵੀ ਬਣਾਈ ਗਈ ਜਿਸ ਵਿਚ ਉਸਨੇ ਆਪਣੀ ਮੌਤ ਦੇ ਜਿੰਮੇਵਾਰ ਆਪਣੀ ਨੂੰਹ ਅਤੇ ਉਸਦੇ ਪਿਤਾ ਨੂੰ ਦੱਸਦਿਆਂ ਹੋਇਆਂ ਖੁਦਕੁਸ਼ੀ ਕਰਨ ਦੀ ਪੂਰੀ ਦਾਸਤਾਨ ਦੱਸੀ ਹੈ। ਮੌਕੇ ਤੇ ਪਹੁੰਚੀ ਪੁਲਿਸ ਵਲੋਂ ਲਾਸ਼ ਨੂੰ ਕਬਜ਼ੇ ਵਿਚ ਲੈ ਕੇ ਸਿਵਲ ਹਸਪਤਾਲ ਦੀ ਮੋਰਚਰੀ ਵਿਚ ਰਖਵਾ ਦਿਤਾ ਗਿਆ ਹੈ, ਪੁਲਿਸ ਵਲੋਂ ਮਾਮਲਾ ਦਰਜ ਕਰਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।
