ਦਿਲਜੀਤ ਦੋਸਾਂਝ ਨੇ ਫਿਰ ਜਿੱਤਿਆ ਦਿਲ, ‘ਬਾਰਡਰ 2’ ਦੀ ਸ਼ੂਟਿੰਗ ਖਤਮ ਕਰ ਸਾਂਝੇ ਕੀਤੇ ਖੁਸ਼ੀ ਦੇ ਪਲ
ਚੰਡੀਗੜ੍ਹ, 26 ਜੁਲਾਈ 2025 (ਨਿਊਜ਼ ਟਾਊਨ ਨੈਟਵਰਕ) :
ਪੰਜਾਬੀ ਗਾਇਕ ਤੇ ਐਕਟਰ ਦਿਲਜੀਤ ਦੋਸਾਂਝ ਪਿਛਲੇ ਕਈ ਦਿਨਾਂ ਤੋਂ ਆਪਣੀ ਆਉਣ ਵਾਲੀ ਫਿਲਮ \‘ਬਾਰਡਰ 2\’ ਦੀ ਸ਼ੂਟਿੰਗ \‘ਚ ਰੁਝੇ ਹੋਏ ਸਨ। ਇਹ ਫਿਲਮ 1997 ਦੀ ਕਲਾਸਿਕ ਫਿਲਮ ਬਾਰਡਰ ਦੀ ਸੀਕੁਅਲ ਹੈ, ਜਿਸਦਾ ਪ੍ਰੇਮ ਭਰਿਆ ਸੰਦੇਸ਼ ਭਾਰਤੀ ਸੈਨਿਕਾਂ ਦੀ ਵਿਰਾਸਤ ਤੇ ਬਲਿਦਾਨ ਨੂੰ ਸਮਰਪਿਤ ਹੈ। ਦਿਲਜੀਤ ਨੇ ਪੰਜਾਬ \‘ਚ ਹੋ ਰਹੀ ਇਸ ਫਿਲਮ ਦੀ ਸ਼ੂਟਿੰਗ ਹਾਲ ਹੀ \‘ਚ ਪੂਰੀ ਕਰ ਲਈ ਹੈ।
ਸ਼ੂਟਿੰਗ ਮੁਕੰਮਲ ਹੋਣ ਦੇ ਮੌਕੇ \‘ਤੇ ਦਿਲਜੀਤ ਨੇ ਸਾਰੀ ਸਟਾਰਕਾਸਟ ਅਤੇ ਟੀਮ ਨਾਲ ਖੁਸ਼ੀ ਸਾਂਝੀ ਕਰਦਿਆਂ ਮਿਠਾਈ ਵੰਡ ਕੇ ਇਸ ਪਲ ਨੂੰ ਮਨਾਇਆ। ਦਿਲਜੀਤ ਨੇ ਖਾਸ ਤੌਰ \‘ਤੇ ਛੋਟੇ ਬੱਚਿਆਂ ਨੂੰ ਵੀ ਲੱਡੂ ਵੰਡੇ, ਜਿਸ ਨਾਲ ਮੌਕੇ ਦੀ ਰੌਣਕ ਹੋਰ ਵੀ ਵਧ ਗਈ। ਉਨ੍ਹਾਂ ਆਪਣੇ ਮਾਣ ਨਾਲ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਫਿਲਮ \‘ਚ ਸ਼ਹੀਦ ਨਿਰਮਲ ਜੀਤ ਸਿੰਘ ਸੇਖੋਂ ਦਾ ਕਿਰਦਾਰ ਨਿਭਾਉਣ ਦਾ ਮੌਕਾ ਮਿਲਿਆ, ਜੋ ਕਿ ਉਨ੍ਹਾਂ ਲਈ ਇਕ ਇੱਜ਼ਤ ਵਾਲੀ ਗੱਲ ਹੈ।
ਇਸ ਖਾਸ ਮੌਕੇ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ \‘ਤੇ ਵਾਇਰਲ ਹੋ ਰਹੀ ਹੈ, ਜਿਸ \‘ਚ ਦਿਲਜੀਤ ਦੇ ਨਾਲ ਅਦਾਕਾਰ ਵਰੁਣ ਧਵਨ ਵੀ ਖੁਸ਼ ਨਜ਼ਰ ਆ ਰਹੇ ਹਨ। ਦਿਲਜੀਤ ਨੇ ਫਿਲਮ ਦੀ ਟੀਮ ਲਈ ਆਪਣੇ ਪਿਆਰ ਤੇ ਸਤਿਕਾਰ ਦਾ ਇਜ਼ਹਾਰ ਕੀਤਾ ਅਤੇ ਕਿਹਾ ਕਿ ਇਹ ਅਨੁਭਵ ਉਨ੍ਹਾਂ ਦੀ ਜ਼ਿੰਦਗੀ ਦਾ ਇਕ ਯਾਦਗਾਰ ਪਲ ਰਹੇਗਾ।
