ਕੈਨੇਡਾ ‘ਚ ਮਾਨਸਾ ਦੇ ਜਤਿਨ ਗਰਗ ਦੀ ਦਰਦਨਾਕ ਮੌਤ
ਮਾਨਸਾ, 17 ਜੁਲਾਈ (ਨਿਊਜ਼ ਟਾਊਨ ਨੈਟਵਰਕ) : ਮਾਨਸਾ ਦੇ ਨੌਜਵਾਨ ਦੀ ਕੈਨੇਡਾ ਵਿੱਚ ਡੁੱਬਣ ਨਾਲ ਮੌਤ ਹੋ ਗਈ ਹੈ। ਉਸ ਦੀ ਨਦੀ ਵਿੱਚ ਵਾਲੀਬਾਲ ਡਿੱਗ ਗਈ, ਜਿਸ ਕਰਕੇ ਉਸ ਨੇ ਛਾਲ ਮਾਰੀ ਅਤੇ ਉਹ ਡੁੱਬ ਗਿਆ। ਪਰਿਵਾਰ ਵਲੋਂ ਨੌਜਵਾਨ ਦੀ ਮ੍ਰਿਤਕ ਦੇਹ ਨੂੰ ਭਾਰਤ ਲਿਆਉਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ, ਉਸ ਦਾ ਅੰਤਿਮ ਸਸਕਾਰ ਕੈਨੇਡਾ ਵਿੱਚ ਕੀਤਾ ਜਾਵੇਗਾ।
ਜਾਣਕਾਰੀ ਅਨੁਸਾਰ 26 ਸਾਲਾ ਵਿਦਿਆਰਥੀ ਜਤਿਨ ਗਰਗ ਕੈਨੇਡਾ ਦੀ ਥੌਮਸਨ ਰਿਵਰ ਯੂਨੀਵਰਸਿਟੀ ਵਿੱਚ ਪੜ੍ਹਾਈ ਕਰਨ ਗਿਆ ਸੀ। ਜਤਿਨ ਆਪਣੇ ਦੋਸਤਾਂ ਨਾਲ ਦਰਿਆ ਦੇ ਕੰਢੇ ਵਾਲੀਬਾਲ ਖੇਡ ਰਿਹਾ ਸੀ। ਘਟਨਾ ਦੌਰਾਨ ਵਾਲੀਬਾਲ ਦਰਿਆ ਵਿੱਚ ਡਿੱਗ ਗਈ। ਜਤਿਨ ਗੇਂਦ ਨੂੰ ਕੱਢਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ, ਪਰ ਇਸ ਦੌਰਾਨ ਉਹ ਖੁਦ ਦਰਿਆ ਵਿੱਚ ਡੁੱਬ ਗਿਆ। ਜਤਿਨ ਅਗਸਤ 2024 ਵਿੱਚ ਮੈਨੇਜਮੈਂਟ ਦੀ ਪੜ੍ਹਾਈ ਕਰਨ ਲਈ ਕੈਨੇਡਾ ਗਿਆ ਸੀ।
ਮ੍ਰਿਤਕ ਦੇ ਚਾਚਾ ਭੂਸ਼ਣ ਗਰਗ ਨੇ ਦੱਸਿਆ ਕਿ ਜਤਿਨ ਦੇ ਪਿਤਾ ਕੁਝ ਸਮਾਂ ਪਹਿਲਾਂ ਕਾਰੋਬਾਰ ਦੇ ਸਿਲਸਿਲੇ ਵਿੱਚ ਚੰਡੀਗੜ੍ਹ ਸ਼ਿਫਟ ਹੋ ਗਏ ਸਨ। ਇਸ ਵੇਲੇ ਪੂਰਾ ਪਰਿਵਾਰ ਚੰਡੀਗੜ੍ਹ ਵਿੱਚ ਰਹਿ ਰਿਹਾ ਹੈ। ਪਰਿਵਾਰ ਜਤਿਨ ਦੀ ਲਾਸ਼ ਨੂੰ ਭਾਰਤ ਲਿਆਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅੰਤਿਮ ਸੰਸਕਾਰ ਮਾਨਸਾ ਵਿੱਚ ਕੀਤੇ ਜਾਣਗੇ।
