ਪੁਣੇ ‘ਚ ਦੋ ਕੰਟੇਨਰ ਟਰੱਕਾਂ ਦੀ ਟੱਕਰ, 8 ਲੋਕ ਜ਼ਿੰਦਾ ਸੜੇ

(ਨਿਊਜ਼ ਟਾਊਨ ਨੈਟਵਰਕ)
ਪੁਣੇ, 13 ਨਵੰਬਰ : ਪੁਣੇ ਦੇ ਨਵਲੇ ਪੁਲ ‘ਤੇ ਅੱਜ ਇਕ ਵੱਡਾ ਹਾਦਸਾ ਵਾਪਰਿਆ। ਦੋ ਕੰਟੇਨਰ ਟਰੱਕਾਂ ਦੀ ਟੱਕਰ ਹੋ ਗਈ, ਜਿਸ ਕਾਰਨ ਇਕ ਟਰੱਕ ਨੂੰ ਅੱਗ ਲੱਗ ਗਈ। ਇਕ ਕਾਰ ਦੋਵਾਂ ਟਰੱਕਾਂ ਵਿਚਕਾਰ ਫਸ ਗਈ ਅਤੇ ਪੂਰੀ ਤਰ੍ਹਾਂ ਸੜ ਗਈ। ਫਾਇਰ ਵਿਭਾਗ ਦੇ ਅਨੁਸਾਰ, ਹੁਣ ਤੱਕ ਅੱਠ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਸੜ ਰਹੇ ਵਾਹਨਾਂ ਵਿੱਚ ਹੋਰ ਵੀ ਲੋਕ ਫਸੇ ਹੋਣ ਦੀ ਸੰਭਾਵਨਾ ਹੈ, ਇਸ ਲਈ ਮੌਤਾਂ ਦੀ ਗਿਣਤੀ ਵੱਧ ਸਕਦੀ ਹੈ।